مرثيه في الام تدمع لها العين

يوم جوني الناس من كل الجهات


قايلين اصبر..مقدر لا تصيح
البقية في حياتك والوفاة

امر ربي والمصايب يا جريح
ما ترد دموع عينك شئ فات

ادع ربك كان تغليها صحيح
امرضوني الناس من كثر العزاة

لين خلوني على فراشي طريح
قبلها بشهور ما ذقت الهناة

من مرضها اسهر بليلي واصيح
واصبح الماضي بعيني ذكريات

اتخيلها ودمعاتي تسيح
يوم شالوها العصر بعد الصلاة

اظلمت دنياي والعالم تبيح
ما قوى جسمي وقوفي والسواة

كل ما اقف ينحني جسمي واطيح
متشائم يا عرب من ذا الحياة

حطوا امي في القبر كيف استريح
يرحمك ربٍ عطاك احلا الصفات

كل صفات الامهات اللي تريح
يغفر ذنوبك عسى يوم النجاة

ومن سوى الله يغفر الذنب ويبيح